Verbu ausiliariu

I Verbi

U Tempu Futuru

Modi di riri avverbiali

I pumaroru chi si virinu appizzati ne pennuli no nmernu fussiru tutti nfrarishuti s'avissiru statu abbivirati na so criscita. I viddhani, nmeshi, hannu na manera di falli crisciri senza essiri abbivirati, accussi ponnu stari tutta la nmirnata a purtata ri manu pi fari sarsi nzalati.
Mpratica, sunnu fatti crisciri 'a la siccagna', e ora, pinzannu e tanti cosi chi m'haiu mparatu ascutannu i viddhani, vi ricu n linia ri massima di soccu si tratta.

Cuannu no nmernu chiovi, l'accua trasi no terrenu e si nfila funnu ar assammarari la terra. Battennu nall'erva e ne tuffuna, l'accua nchiana tutti cosi, e cuannu arriva a primavera i campagni sunnu tutti dammaggiati ca nun zi po' siminari nenti.

E ssi si simina cuarche cosa, rura picca, picchì appena ncumincia a cuariari u suli, tutta l'accua chiuvuta no nmernu si nni va all'aria, e siccanu pumaroru, arvuli e tutti l'ervi.
Allura soccu strummintiaru i viddhani? P''un  fari scappari l'accua chi s'avia sarvatu n funnu, supra smovinu u tirrenu, accussì u cauru du suli nun arriva a cuariari l'accua e a terra nfunnu, e l'accua nun addiventa vapuri, e arresta sutta terra.

Na ota, stu travagghiu di smoviri a terra, vinia fattu chi vestii e l'aratu. Ti poi mmagginari u sirvizzu suratu, spesharmenti cuannu eranu sarmati ri terra, ma no nostru casu, pi pumaroru nun ci vulia tantu tirrenu; era na speshi du ortu, puru si spissu u pumaroru vinia, e veni, curtivatu ne feura.

Poi vinniru i trattura, e ora i motozappi e i fresi, ca cuegghiè, chi havi anticchia ri terra, si po' fari u so ortu e siminarisi i pumaroru e tutti i virduri chi voli.

Comu rissimu, sta motozappa smovi a terra pi na vintina di shentimetri n funnu, e fa na cuperta di terra smovita supra a terra rura di nfunnu.

E' chissu chi ora viremu, chi aiuta a fari crisciri ssi pumaroru chi si ponnu sarvari pi tuttu lu nmernu.

Supra ssa terra smovita, però, nun zi pò siminari nenti, picchi esti tirricciu chinu r'aria e di suli, e soccu ci veni siminatu, appena aisa u suli a matina, anzi ch'è sira ci sunnu tutti cosi sicchi. Hai chi ghittari accua! aviss'a stari ogni gnornu, matina e sira a abbivirari, picchì appena tocca l'accua u suli la fa scuagghiari.

U truccu è ca s'avissi a arrivari a fari crisciri i chiantimi cu l'accua chi c'è sarvata n funnu e chi si depositau pi tuttu lu nmernu.

E propriu chissu fannu i viddhani, va siminanu a simenza, no na terra smovita, ma na terra cumpatta ru funnu.

Fannu na conca e rascanu a terra finu a arrivari a la terra cumpatta. Dhocu schipentanu un pumaroru, e ci mettinu supra anticchia di purvurazzu.

A stu puntu a simenza cumincia a sentiri l'accua chi acchiana ri sutta, arashu arashu; si rishi 'pi capillarità'.

Si cu tempu, a cuperta smovita ri supra acchianca, e u suli ncumincia a fari cuariari a terra di sutta, allura si fa nautra passata di fresa a smoviri a terra.
Ora sta terra, nall'estati, è sicca e si spurvurazzia subbitu, e chissu è bonu, picchì stu purvurazzu chi vola nall'aria si posa supra i fogghi ri pumaroru. Stu purvurazzu supra i fogghi attira, nna chianta, l'accua ri sutta, e si viri tuttu nall'ortu sti pumaroru virdi e tennari, mentri tuttu n tunnu ci sunnu ervi sicchi.

Cuann'è u tempu u pumaroru si cogghi e s'appizza ne pennuli comu vittimu na ssi fotografì.