|
Cunzunanti variabbili
|
Sonu
Cunzunanti
|
debbuli |
forti * |
Palatali |
Mprignatu
di |
noti |
|
C-Dushi |
Sh-i, u, o, a,
e |
Cc-i, e
Cci-a, o, u |
_ |
N C- |
_ |
|
D |
R- |
Dd- |
Dh- dh- |
N N- |
Đ:
fonema autoctonu |
|
J-
G Dushi |
J-
|
Gghi+e, a, o,
u |
Gghi-e, a, o,
u |
N Gn-i, e, a,
o, u |
_ |
|
G-Dura |
'
aspir. |
Ggh-i, e
Gg-a, o, u |
Gghi-e, a, o,
u |
N Gh-i,
e, a, o, u
N gh-i,
e, a, o, u |
N Ĝ:
Fonema autoctonu |
|
R |
R-
r- |
Rr- |
_ |
|
D, S, T, St,+ R
Fonemi autoctoni |
|
S |
_ |
_ |
_ |
N Z- |
Z rushi |
|
V |
'
aspir. |
V- |
_ |
N M-
F-P / VV- BB- |
_
|
|
*
I cunzunanti 'm principiu parola
chi vennu appressu e paroli rinfurzanti...
nun zunnu sulu forti, ma puru doppi; ma si scrivinu semplishi.
|
Debole
|
Forte
|
- acqua ē sheusi.
- pī reshi vegnu.
- ā shena è pronta;
- Nō shiascu c'è vinu
- Assira manciai shicoria.
- Rumpilu chī renti
- Ne toi ci jemu rumani.
- Ū jornu.
- E finemu di jucari!
- U cani abbaia e atti.
- Haiu addhini chi fannu ova
- Nun hai ushi pi cantari.
- Nā ota
- Nā utti.
|
- Pani ĕ (c)ceusi.
- Vali pĭ (d)deshi.
- Veni ă (c)cena
- Chistu è (c)ciascu ri vinu.
- Assira manciai pasta e (c)cicoria.
- Chĭ (d)denti bianchi chi hai!
- Ni ramu appuntamentu pi (d)dumani.
- è ghiornu.
- Jitivinni a ghiucari fora!
- Cani e (g)gatti nun mannu raccordu.
- No puddharu ci sunnu addhi ĕ (g)gaddhini
- U tinuri canta a (v)vushi china.
- Ognĭ (v)vota
- Trĭ (v)vutti.
|
Cummentu o cuatru
di cunzunanti variabbili
C: rushi forti: Ci
Quannu si prununzia C i renti 'i ravanti sunnu stritti
e in linia supra e sutta. A punta r'a linghua, un centimetru
chiù narrè, è ncasciata no balataru 'i ravanti. Quannu veni
ratu u corpu r'aria si scoddha e fa u sonu caratteristicu da
cunzunanti.
-
Si cioshiu. Unn ciusciari chiù. Pi ciusciuliari
ci voli u muscaloru. A ciushiuliari vi mittistuvu?
Ma chi ciauru ri shiuri!
Ci sunnu palori chi hannu a C rushi stabbili:
- Ciau, Ciappula, Ciaccari.
- Na certi banni ra Sishilia 'Chi', e appressu
c'è na vucali, si prununzia ...
Ciovu, Ciesa, ...
C: rushi debbuli: sh
sh e Sc sunnu dui cunzunanti diffirenti:
- A Sh è a forma debbuli ra cunzonanti C. è
variabbili e perciò a sicunnu ra sillabba chi havi ravanti,
di Sh pò cangiari a C.
- A Sc è na cunzonanti stabbili chi nun cancia
quannu havi ravanti na sillabba rinfurzanti. U sonu è strittu
e sibilanti.
- Quannu si prununzia "SC" i rent' 'i ravanti, supra
e sutta, sunnu in linia. A linghua strinci contr' o balataru
‘i ravanti, ma a punta è ammucciata rarrè i renti di sutta.
I labbira sunnu aperti, ma a ucca è quasi chiusa pi fari u particulari
sonu strisciatu ra cunzunanti.
- Pi prununziari "Sh" si tira l'angularu n'arrè di mezzu
shentimetru. A linghua è calata vascia, ma a punta è 'n macanti
rarrè i renti, e anticchia rivutata narrè, pi fari turbinari
l' aria e daricci a la cunzunanti stu sonu ariusu e liggeru:
-
shauru, shuri, shoshu, shusciari, shusciuliari, shushuliari,
cashara.
|
D stabbili: D
Ci sunnu paroli
chi hannu a lettira D stabbili doppia:
-
Dati,
Dijunu, Dammiggiana,
Debbitu, Dutturi
, Diu . . .
D: Forte: D
A punta ra linghua s'appoia ne renti ri supra versu i gingivi
e si fa staccari fashennu sentiri chiossai u scusciu ru staccu,
e no l'aria du corp' 'i purmuna, masinò addiventa "t".
- Renti: chi denti chi hai!
- reshi: vali pi deshi
- riri: e diri chi ...
- rari: m'ha dar'i documenti
- rumani: fin' a dumani.
D: Debole: R
A forma debbuli ra D è na R leggia leggia, quasi
mancu ritta.
-
Ra, rari, rarrè, ravanti, riffishili, reshi, renti, riaulu,
rica, rishina, rishirìa, rinari, rintra, riri, riscinnenza,
riscibblina, riscepulu, riscòpriri, riscurriri, riscursu,
risdignari, risgrazia, rormiri, roti, rushi, rui, rumani,
ruminica, rurari, ruru.
C'è di fari n'appuntu supra l'usanza di sta cunzunanti.
Quannu sta cunzunanti è dintra a parola, si prununzia debbuli:
Ma c'è cui pigghia i palori di l'italianu, e a prununzia cancia:
- Cadìri, vidìri, udìri (sèntiri, ascutari).
D: Palatale: Dh
Chista è na cunzunanti tutta nostra, e ni semu urgugliosi.
C' 'un è sishilianu, pi prununzialla, si l'hav' a mparari:
- dha, dhani, dhattula, dhittu,
dhocu, dhu, dhi.
S' arrotula a linghua narrè, e cu latu ri sutta da linghua,
chi ora però s'attrova supra, si runa un corpu o balataru comu
a diri D.
- 'Un ha ghiri dhocu, ha ghiri addhabbanna.
- Sti dhattuli su dushi. Dhi dhattuli
si stannu pirdennu.
- Ha ghiri na dhu dutturi.
- Adduma dhu lumi.
- Camina dhittu p' a ghiri dhani.
Na certi banni ra sishilia a linghua nun meni arrutuliata
narrè fin'a 'n funnu,
a punta arresta chiù 'n avanti, tra i renti e u balataru,
e fa un sonu anticchia licuitu di "R": Addhevu
= Addrevu.
(I
cunzunanti L e R sunnu chiamati licuiti)
D: Mprignata di N addiventa N
A cunzunanti nasali "N" cancia a natura ra D:
Ndria=Nniria
- I riscursa (debbuli)
- Essiri a discursu (forti).
- Fari un niscursu (mprignata).
- Riri cosi fausi (debbuli).
- Ha diri a virita'(forti):
- 'Un niri nenti (mprignata)
S' hav' a stari però attentu, speshiarmenti quannu si usanu
paroli taliani sishilianizzati:
- Quindi / quinni . . . nmeshi: E perciò
- Onda / unna . . . Mai ntisu, si rishi: Onta
- Sponda / Sponna . . . no. Si usa: Sponta
|
G: stabbili: G
Nta sherti paroli sta G si cumporta comu na cunzunanti
G stabbili e pi ghiunta esti sempri doppia: nun cancia
si havi o menu na parola rinfurzanti ravanti.
- gebbia, gelatu, gelsuminu, gelu, gemellu, gemma, generali,
generari, geniu, genti, germogghiu, gestu, gebbia, già,giacca,
giallu, giarra, giarraffa, gibberna, giganti, gigghia, gigghiu,
gileri, gilusia, giora, giurnali, gira, girannula, girari,
giru, giseri, giubba, giubbottu, giuccu, giuricari, giuriziu,
Giufa', giurgiana, giuggiulena, giugnu, giuiri, giulivu,
giummarra, giummu, giunta, giurana, giurari, giurnali, giustizia,
giostra, giustu.
G: rushi debbuli: J
Sta J nun è I, ma è na cunzunanti, e pi prununzialla
s'hav'a stringiri a linghua contr' o balataru:
- Jocu, Jornu, Jardinu, Jimenta, Jacu, Jashi, Jattanza,
Jènnaru, Jiri, Jittari, Jimmu, Jissu, Jittatura, Joviri,
Jucari, Jurishi, Junciri, Junta, Jurnata, Jusu, Juvari,
Juvini.
G: rushi forti: Palatali
Taliari
no quatru ra G dura Palatali
G rushi J imprignata di N
veni prununziata : N Gn-
- un jardinu, un jornu, 'un jucari,un
jimmu.
I sishiliani la prununzianu propriu accussì, ma a scrivila nun
sacciu quantu pò essiri accittata sta G mprignata di N, ch'appari
propriu accussì.
- Un jardinu - Un gnardinu
- Un Jornu - Un gnornu
- 'Un jucari - 'Un gnucari!
- Un Jimmu - Un gnimmu
|
G: Dura debole: ' (aspirata)
A G aspirata nun zi prununzia:
- 'Addhu, 'addhina, 'affa, aggia, amma, ammaru, ana, anciu,
angha, anghata, arbu, arofalu, attu, attalora, rara, rarigghia,
ramigna, rampa, ranatu, ranni, raneddhu, ranfa, ranfata,
rapiri, ranuni, rasciu, rassu, rasta, rattari, rattalora,
rausu, razia, regna, resta, revia, rossu, runcu, ruppu,
rutta, ruttu, uappu, umma, uvitu.
G: Dura forte:Palatali: Ghi+ e, a, o, u.
Na C
e na Chi, a linghua, appena passa u frusciu r'aria, si
scoddha ro balataru, tenta a ghiri 'n avanti e si senti un corpu
ri purmuna pi fari nesciri l'aria. Na G e na Ghi
a linghua blocca i purmuna. U sonu si forma appena iddha si
scoddha, senza passagiu r'aria, o veru picca.
- Quarche ghimenta figghia muli.
- Ogni ghiornu va fazzu a spisa, jornu pi ghiornu.
- Quannu ci ha ghiri a far'a spisa?(...ci
hai ă ghiri...)
- Ssi cosi nun zi fannu pi ghiocu.
- Na sta cuntrata abbunnanu puzzura e ghiardina.
- Cu ghiatti e cani.
- Mi pigghiastuvu pi ghiarzuni?
- Ma chist' è ghimmu!
G rura impregnata di N addiventa:
N Gh
U palatu moddhu esti na membrana, chi finisci
ca linghueddha, 'n funnu a ucca. Quannu ci appoia a rarica da
linghua, stu velu fa u stagghiu tra l'aria di purmuna e l' aria
di fora. Quannu a rarica da linghua, appuiannusi na stu palatu
moddhu, fa ncoddha e scoddha, aiutata da nasali N fa
stu sonu autoctonu caratteristicu.
- A angha, Un ghattu, un ghaddhu,
un gharzuni, 'n ghana, 'n ghamma, a
nghuantera
|
R 'N zishilianu n' avemu di rui tipi:
● R , cunzunanti BASI
● R, cunzunanti DIRIVATA
● R BASI esti na cunzunanti
variabbili
- Quannu è dintra a parola si leggi semplishi,
normali:
- Aratu, Veru, Maritu, . . .
- Quannu a R Basi è 'm principiu di parola
(Russu, Ririri, Rota . . .
- Si sta parola havi ravanti na parola rinfurzanti
(a, e, chiù . . .)
a R Basi si prununzia . . . DOPPIA:
- è (R)russu, Pi (R)ririri, Tri
(R)roti, ...
- Si sta parola nun havi ravanti na parola rinfurzanti,
a R Basi veni prununziata . . .DEBBULI:
- Rashina, Rota, Rimari,
...
- Quannu si prununzia a R forti, normali,
u supra ra punta ra linghua (2 cm shirca) appoia
ne gengivi ri supra. Quannu passa u shiatu, vibbra
contru i gengivi e fa u sonu R.
Pi fari u sonu doppiu, si prununzia chiù
forti.
- Quannu si prununzia a R debbuli (R),
a punta ra linghua va dhitta contru l' attaccu tra
i renti e i gengivi ri supra. Quannu passa l'aria,
nun vibbra, ma la fa passari strisciata, sibilanti
e sunora contru i renti quasi chiusi.
A modulazioni all' aria strisciata ci a runa u trimuliu
ri vibrazioni di cordi vucali.
Napocu di paroli chi ncumincianu ca cunzunanti R
Basi sunnu:
Rabbia, Raccamu, Rashina, Rashioppu, Raddhu, Rannu,
Ràrica, Rarìshia, Ràriri, Ragghiu, Raggia, Raggiuni,
Rama, Rampa, Rapashi, Rappa, Raru, Raspa, Rata, Razza,
Re, Reshita, Reggistru, Reula, Resca, Restu, Ricciu,
Riccu, Ricotta, Ririri, Rifiutu, Riga, Rialu, Rima,
Rimorsu, Rimu, Rina, Ripa, Riposu, Risata, Risettu,
Risina, Rispiru, Risposta, Ristagnu, Ristuccia, Risu,
Ritegnu, Riti, Rizza, Robba, Rosa, Rota, Ruccheddhu,
Rugnuni, Ruina, Rumpiri, Runfuliari, Rusicu, Russu,
Ruvulu.
D, S, ST, T e appressu c'è a R,
sta R si prununzia debbuli (R), e u fonema
è autoctonu.
A H si usa di nun scrivila pi nun cunfunniri a littura:
- Drappu
- Sraricari
- Strata
- Trenu
Pi prununziari 'TR', s'appoia u supra da punta ra
linghua, dui shintimitri, a pàrtiri ru tagghiu di renti
ri supra. Quannu passa l'aria, a linghua batti ne renti
vibrannu.
'N zishilianu, nmeshi, ssa cunzunanti si prununzia 'TR',
er è un zonu autoctonu prununziatu sulu 'n zishilia:
Trenu, Strata.
- Pi prununziari R a punta ra linghua va dhitta
contru l' attaccu tra i renti e i gengivi ri supra.
quannu passa l'aria, nun vibbra, ma a fa passari strisciata,
sibilanti e sunora contru i renti quasi chiusi.
A modulazioni all' aria strisciata ci a runa u trimuliu
ri vibrazioni di cordi vucali.
- Pi prununziari TR, si fa u stessu comu pi
R, ma a punta ra linghua veni puntata a scattu
contru l'attaccu ri gingivi, e u corpu di purmuna nun
è leggiu e cuntinuu comu prima, ma un corpu siccu, ca
si viri a scossa di purmuna. A vushi nesci putenti e
sunora quannu si prununzia ssa cunzunanti.
- Pi STR è u stessu, ma u corpu di linghua
è anticchia chiù sfiatatu e allunghatu.
- Pi 'Dr', a punta ra linghua nmeshi di battiri
nall'attaccu tra i renti e i gingivi, batti quarche
millimitru chiù supra, 'n capu e gingivi ver'e propriu,
er è un sonu anticchia chiù dushi, ma putenti lu stessu
● R Dirivata diriva di autri cunzunanti:
- D debbuli veni prununziata R forti, assai
liggera.
Da = Ra
Dari = Rari
Darrè = Rarrè
Davanti = Ravanti
Diffishili = Riffishili
Deshi = Reshi
Denti = Renti
Diaulu = Riaulu
Dica = Rica
Dishina = Rishina |
Dishirìa = Rishirìa
Dinari = Rinari
Dintra = Rintra
Diri = Riri
Discinnenza = Riscinnenza
Discibblina = Riscibblina
Discepulu = Riscepulu
Discopriri = Riscopriri
Discurriri = Riscurriri
Discursu = Riscursu |
Disdignari = Risdignari
Disgrazia = Risgrazia
Dormiri = Rormiri
Doti = Roti
Dushi = Rushi
Dui = Rui
Dumani = Rumani
Duminica = Ruminica
Durari = Rurari
Duru = Ruru |
- No gruppu Gr, a
G dura è aspirata '
e nun veni prununziata quannu u gruppu GR è debbuli.
Arresta a R sula, chi veni prununziata semplishi,
normali.
Grada = Rara
Gradigghia = Rarigghia
Gramigna = Ramigna
Grampa = Rampa
Granatu = Ranatu
Granni = Ranni
Graneddhu = Raneddhu
Granfa = Ranfa
Granfata = Ranfata |
Grapiri = Rapiri
Granuni = Ranuni
Grasciu = Rasciu
Grassu = Rassu
Grasta = Rasta
Grattari = Rattari
Grattalora = Rattalora
Graùsu = Raùsu
Grazia = Razia |
Gregna = Regna
Gresta = Resta
Grevia = Revia
Grossu = Rossu
Gruncu = Runcu
Gruppu = Ruppu
Grutta = Rutta
Gruttu = Ruttu
|
- Quannu u gruppu GR è FORTI, si prununzia
a G Dura, ma cuarche vota no parlari, pi usanza,
veni raddoppiata la cunzunanti R.
- Napocu di palori du gruppu "GR" hannu a
G forti stabbili:
- Griggiu, Gravi, Grillu (un tipu
di rashina), Gruppu (ri genti), Granu...
(Greggi, Grinta, . . . nun sunnu palori sishiliani).
|
|
S: Impregnata di N
si Prununzia Z
(e cu voli a scrivi
Z
puru 'm principiu parola)
- Si o 'un zi stancu? Picchi'
s''un zi stancu m' ha aiutari.
- Rittu 'n zenzu bonu, soccu rishi havi un zenzu.
- 'n zishilianu 'un zi rish' accussì.
- Ci ha ghiri 'n zutta 'n zutta.
- 'n zoccu cunzisti stu mpignanti to chiffari?
|
V: stabbili: V
Ci sunnu palori chi hannu a V m principiu parola stabbili
Vai,Vina, Vinu, Vasciu, Vetta
. . .
In linia ri massima si pò diri chi a V variabbili è aspirata
sulu na V + U ='U,
e V cu l' autri vucali:
- Varca: chissu è na varca 'i sardi;
- 'Ucca: Pi vucca 'un u passa nuddhu.
V:Debbuli: '
V esti una ri cunzunanti chi permetti chiossai a esprimiri
l'empathos sishilianu;
è variabbili e quannu è debbuli nun si prunuzia:
Ucca, ushi, ureddhu, ugghiu, urricari, urza, utti.
A 'V debbuli' rintra a parola nun zi scrivi. Però sapemu
ca u parrari di sishiliani dipenni assai du motu nternu chi
hannu; perciò . . . si è beru ca si scrivi ...
- U culuri niuru 'un mi piashi.
Quannu a parola è dintr' on niscursu empaticu, pò addivintari
...
- ... lu vitti arrivari, nivvuru comu la pishi!
V: Forti: V
- chiamalu a vushi.
- Ogni vutti fa u so vinu.
- C' è vugghiu chi nesci.
- Pi vushi 'un u passa nuddhu.
- Chiù vugghiu nesci chiossai asciuca u broru.
- chi vucca beddha chi hai!
E 'un ni scurdamu ca a V forti - dopu
na parola rinfurzanti - esti doppia,
ma u chiossai si scrivi semplishi.
V: Mprignata di N
addiventa M.
- Ushiari nun zervi a nenti (debbuli)
A vushiari ti mittisti? (forti)
'Un mushiari chiù! (mprignata)
- 'Un zi parla ca ucca china. (debbuli)
Chi vucca beddha chi hai! (forti)
Ficu carimi 'n mucca (mprignata)
- No veniri ncuntrai a Cicciu. (debbuli)
Ch' ha fari, ha vveniri? (forti)
'Un meniri chiù! (mprignata)
Quannu a 'V' canciata a 'M' runa
nautru significatu a parola, la 'V' si scrivi 'V':
- Un maluri / un valuri.
- 'Un mi sentu / 'un vi sentu
- 'Un ma fazzu pigghiari / 'un va fazzu pigghiari
V: Impregnata di
F o P addiventa B. [ma
puru "VV"].
- Sentu ugghiri l' acqua (debbuli)
L' acqua si misi a vvugghiri, picchi' nun ci jetti a
pasta? (forti)
Pi bugghiri a pasta ha aumintari u focu (mprignata)
- Sentu ushiari! (debbuli)
Pi farimi sentiri ha vvushiari! (forti)
Pi vvushiari ci voli shiatu. (mprignata)
- Nun è u veru. (debbuli)
'Un è vveru! (forti)
Pi beru !(mprignata
ri P).
- U veniri tardu fa perdiri u trenu (debbuli)
Ha vveniri cu to frati (forti)
'Un meniri chi manu vacanti (mprignata ri N)
Iddhu pò beniri, tu no! (mprignata ri P).
Fa bugghiri ssa pasta! (mprignata ri F).
|
|
|
Prima
cunzunanti appressu Debbuli
Prima cunzunanti appressu
Forti
