|
- Vitti veniri 'na turri purtari,
quant'era spishiusa di virìri.
Havi tanti pirtusa a tanti rari,
cu' trasi dhà rintra va a murìri.
? = A riti 'i piscari.
- Dui 'O' e quattru 'I',
'na casciata e um pipiripì.
? = I roti du
carrettu, i ammi ru mulu e u carritteri.
- Appizza, muzzica e mori.
? = A lapa.
- Quannu veni iddhu, iddha si nni va.
Quannu veni iddha, iddhu si nni va.
? = U jornu e
a notti.
- Si ssi pueta e la menti t'abbasta,
M'ha diri cui camina cu la testa.
? = I Tacci ri scarpi
- Turtuliddhu rutuliava
senza peri caminava,
senza culu si sidia.
Comu riavulu fashia?
? = A marreddha
di lana.
- Ntantarantà unni la metti sta.
? = A scupa.
- N terra nasci,
n terra crisci,
fa lu fruttu
e unn appassisci.
? = A funcia.
- Curri curri saristanu,
sta nascennu un picciriddhu
senza peri, senza manu,
e senza un pilu ri capiddhu.
? = L' Ovu
- Carcocciula di quaranta fogghi,
chiù l'arrimini e chiù la mmrogghi.
Pizzicannu pizzicannu,
ti la spassi tuttu l'annu.
? = U mazz'i
carti.
- Oh chi ciauru ri peddhi !
Ah chi russicu ri feddhi !
Zittu, zittu ‘un fari vushi:
Veni tastalu ch’è dushi.
? = U miluni
r’acqua.
- Nìuru niuru cumu un tizzuni,
assittatu comu un minchiuni...
ma si fa cuntari tuttu ra genti.
? = U parrinu
- C'è un palazzu cu durishi porti,
Ogni porta trenta firmaturi
Ogni firmatura vintiquattru chiavi.
? = È l'Annu
cu Misi, Jorna e Uri
- Milli fimmini nton casteddhu
nun c'è porta né purteddhu.
La so porta è lu cuteddhu.
? = U ranatu
- Tric trac patri Canneddha,
quattru addhivuzzi ca cammiseddha.
? = a nushi.
- Haiu vistu ammazzari 'na riggina,
nta 'na campagna tutta nvirdicata,
cu lu sanġuzzu chi cci curria a lavina
di la facciuzza tutta scapisata.
Mancu spunta lu jornu la matina,
chi nta 'na fossa scura fu purtata.
? = A rashina
- Mamma mia, chistu chi è?
Havi li corna e voi nun è,
pitta li mura e pitturi nun è;
mamma mia chistu chi è?
? = U babbalushiu
- Nzirtatimi cu' è,
Ca ci vota u culu o re.
? = U carruzzeri.
- Shiaschiteddhu meu binignu,
sì di crita o sì di lignu,
Pi lu santu chi iu aruru
nun ti lassu s' 'un ti sculu.
? = U mmriacuni
- Scinni cantannu cantannu
E acchiana chiancennu chiancennu
? = U sicchiu
nto puzzu
- Bongiornu e bonu annu,
Sugnu chiddhu r'oggiallannu,
Cci a pozzu sunari puru st'annu?
? = A Shiarameddha
nto puzzu
- Haiu 'n carratiddhuzzu senza shirca;
cc'è vinu di rui sorti e nun s’ammisca.
? = L' Ovu
- Si ssi pueta e la menti t'abbasta
M'ha diri cui camina cu la testa.
? = I Tacci ri
scarpi
- Nun è re e havi a curuna,
nun è ruloggiu e sona,
nun è cavaddhu e havi spiruna.
? = U Addhu
- Sugnu misa all'acqua e o ventu,
Tutti chiamu e iu nun sentu;
Ucca larga, labbru stortu,
Chiamu o vivu e chianciu u mortu.
? = A Campana
- Iu m'accostu e tu t'accosti,
Iu m'arrassu e tu t'arrassi;
Sugnu vinutu ccà,,
Pi sapiri a virità.
? = U Specchiu
- Supra lu nzippiti nzippiti pizzu,
c'era 'n asheddhu chi nzippitiava,
e notti e ghiornu mai si zittia.
? = U rologgiu
ra turri
- Sutta na macchia ri dindirindà
c'e na signura chi beddha si fa.
A cu mi la nzerta e a cu ma nnuvina
ci rugnu nu beddhu rappu 'i rashina.
? = A milinciana
- Li shimi ri sutta e lu zuccu ri supra.
? = A scupa.
- Cum piseddhu di shiriveddhu,
parra e 'un zapi soccu rishi
? = U pappaaddhu.
- Mentri ca la spogghiu mi fa chianciri.
? = A shipuddha
- Hannu vinutu centu malandrini,
hannu ammazzatu a tutti li mischini;
cu li cuteddha so' l'hannu ammazzatu,
chiddhu chi ci pinnia ci hannu tagghiatu.
? = A vinnigna
- Sugnu auta quant' un palazzu,
caru 'n terra e nenti mi fazzu.
? = L' aliva
- Sutta na macchia ri dindirindà
c'e na signura chi beddha si fa.
A cu mi la nzerta e a cu ma nnuvina
ci rugnu nu beddhu rappu 'i rashina.
? = A milinciana
- Fofu è all'erta ntra li fraschi,
Fifu sherca cu li naschi.
? = U cacciaturi
e u cani.
- Ticchiti ticchitti, dumani partu.
Ticchiti ticchiti, affari fattu.
Ticchiti ticchiti, arrivu filishi.
ticchiti ticchiti, salutu l'amishi.
? = U telegrafu.
- Haiu na cosa chi va e veni,
arriva a la porta e si tratteni;
è dhà jiusu chi voli sciri,
chi dishiti lu lassu jiri?
? = U piritu
- Centushinquanta assittati a la panca,
unu cu l'autru si runanu a biviri.
? = I shiaramiri
- Ca ucca canta e cu culu s'accumpagna.
? = U sceccu
ch'arragghia.
- Quannu è friddu è addumatu,
quannu è cauru è astutatu.
? = U frigoriferu.
- Nun è surdatu e porta a spata
e spatulia fin'a quannu campa.
? = U piscispata.
- Scinni cantannu cantannu
E acchiana chiancennu chiancennu.
? = U sicchiu
nto puzzu.
- Sboccianu comu li funci,
quannu u signuri chianci.
? = I paracqua.
- Supra dhu munti,
ci sta lu pippardenti,
cu lu cappeddhu 'n frunti,
chi si talìa li anchi.
? = A funcia
- Sia di jornu ca di notti,
sia a lu lustru ca a lu scuru,
puru fermu gira ntunnu,
cu li spaddhi sempri a muru.
? = U rologgiu
a muru.
- So patri 'un asistia e mancu so nannu,
e quannu si maritau nun avia un annu.
? = Eva.
- Si l'aspetti sempri veni,
ma poi quannu si nni va,
t'assicuru 'un meni chiù.
? = U tempu
- Luntanu mi frastorna,
vishinu mi piashi.
Nun è focu ch'abbrushia,
ma nun mi fa stari 'm pashi.
? = L'amuri.
- Sugnu lonġu e sugnu tunnu,
sugnu mortu spirtusatu,
ma risuscitu e rispunnu,
si mi runi lu to shiatu.
? = U fiscalettu.
- U scrivi supra a carta o arruppi un fazzulettu,
si nun ti fai fidili, ci appizzi lu rispettu.
? = L'appuntamentu.
- Farfalli, farfallini e farfalluni,
vonnu dinari senza calunii.
? = I cammiali.
- Iddu è lordu, iddhu è fitusu,
ma iddhu è bonu lu schifiusu!
? = U porcu
- Oh! chi ciauru di tumazzu!
Oh! chi ciauru di stufatu!
vaiu lestu pi manciari
e m'attrovu carciaratu.
? = U surci na
ciappula.
- Sugnu fridda di natura,
me maritu mi cuaria.
A la notti m'abbannuna,
ma lu jornu sta cu mmia.
? = A terra e
u suli.
- Haiu lu senzu meu traviatu tantu,
ca 'n tempu un'ura mi firriu lu munnu.
Haiu firriatu Roma cu Palermu ntunnu
e m'arritrovu o locu unni sugnu santu.
? = U sonnu.
- Semu dui soru e ci avemu um patruni,
sempri cu iddhu stamu s'è sanu.
Ma si pi sorti è nto lettu u patruni,
Panzi vacanti e ristamu all'agnuni.
? = I scarpi.
- 'na coscia cà,
'na coscia dhà,
'n mezzu ci sta lu quaquaraquà.
? = U cuararu
supr' o focu.
- Iddha mi rirì,
iu ci la mittì;
s''un mi riria
nun ci a mittia.
? = U cuararu
chi bugghi e a pasta.
- Oh! chi cosa, mamma mia!
Prima iu stava rintr' o patruni,
ora u patruni sta dintra ri mia.
? = U Ureddhu
e a sasizza.
- A jettu ra muntagna e nun zi rumpi,
A jettu nall'acqua e si rumpi.
? = A carta.
- Iddhu è lordu, iddhu è fitusu,
ma iddhu è bonu lu schifiusu!
? = U porcu
- Ci haiu rintra shincu anciddhi,
Tutti quanti minutiddhi.
Unu nfila e unu sfila,
fannu beni la so' tila.
E lu saccu quann'è chinu,
posa 'n terra e fa caminu.
? = A cuasetta.
- C'è 'na varcuzza ch'è fatta ri tila,
cu ventu e senza ventu si rimina.
La carni chi c'è dintra chianci e riri,
la carni, chi c'è fora, canta e sona.
? = A naca
- Havi coddhu e nun havi testa.
Havi vrazza e nun havi manu.
Havi panza e nun havi biddhicu.
Havi culu e nun havi pirtusu.
? = A quartara.
- A li giuvini galanti,
li talia e ci sta davanti.
Cu la so' beddha rushizza,
sempri tocca e accarizza.
? = U varveri.
- U viscuvu di Milanu
notti e ghiornu l' havi 'n manu.
? = Aneddhu
- U viscuvu n'havi unu,
U Papa n'havi chiù,
I fimmini baggiani
ni vonnu a tri e a du'.
? = Aneddhi.
- Haiu um pirtusu ma fazzu tanti pirtusa.
? = L'augghia.
- Ci sunnu novi frati
rintra um paru 'i causi.
? = L'arancia.
- Sugnu sicca, lonġa e beddha,
e haiu 'n testa 'na fiammeddha.
Brillu sempri e nun haiu fumu,
ma a picca a picca mi cunzumu.
? = A cannila.
- cu' è dhu stortu chi tagghia li ammi a li dhitti?
? = A faushi.
- Oh chi ciauru di peddhi !
Ah chi russicu ri feddhi !
Zittu, zittu ‘un fari vushi:
Veni tastalu ch’è dushi.
? = U miluni
r’acqua.
- Sugnu arriddushiutu peddhi e ossa.
Staiu appuiatu a nu debbuli vastuni.
Nto mmernu mi stiranu li ossa
e ntall'estati mi jettanu non agnuni.
? = U paracqua.
- Qual'è dha cosa chi quannu è chiù caura è chiù frisca?
? = U pani
- Nìuru niuru cumu un tizzuni,
assittatu comu un minchiuni...
ma si fa cuntari tuttu ra genti.
? = U parrinu
- Hannu 'na beddha qualità,
piashinu a tutti li pirsuni.
Ora cà, ora dhà,
cancianu sempri patruni.
? = I picciuli.
- Nasci cu li corna,
Campa senza corna,
Mori cu li corna.
? = A luna.
- U figghiu nġratu vastunia a sso matri.
? = U baccagghiu
ra campana.
- Beddhu a viriri,
caru a accattari.
Jinchilu 'i carni
e lassalu stari.
? = L'aneddhu
- E’ dura, ma nun zempri è dura;
appena è moddha ci cala a dushiura.
? = A ficu
- Si nun mi movu sugnu fimmina,
si mi movu sugnu masculu.
? = L'aria e
u ventu.
- Havi la varva la mischineddha,
poi si marita e fa ricutteddha.
? = A crapa.
- Bongiornu, è capurannu,
sugnu chiddhu r'oggiallannu.
Vi la sonu puru avannu?
? = A shiarameddha.
- Haiu li fratuzzi mei tutti uniti
'm mezzu li carciareddhi carciarati,
ci nn'esti russi e ci nn'esti shuruti
rintra li cammisseddhi livicati.
? = U ranatu.
- Pigghia a mira ri carcagna
e va nzerta lu nasu.
? = U piritu
- Haiu 'na cosa senza tettu
dintra c'è sirenità.
Quannu poi ci fazzu u tettu,
trona e lampi 'n quantità.
? = U rinali
- A lu jornu va camminannu,
a la sira arresta a vucca aperta.
? = A scarpa.
- Havi la testa e unn'havi miruddha.
Havi la panza e unn'havi vureddha.
? = U ritrattu.
- Jivi na Maddalena
e vitti ca era prena,
ci tuccai a natura
e vitti ca era ura.
? = U pani livitatu.
- Chiù la tiri, chiù saccurza.
? = A sicaretta.
- E lu pisci, lu beddhu pisci
mettilu ‘n manu, chi subbitu crisci
. Chista è cosa ri tentazioni
chiù si tocca e chiù si movi.
? = U pisci r’ovu
- Vinni u re di Napuli
avia lu culu papuli papuli,
s'assittau na seggiteddha
e ci careru tutti i ureddha.
? = U sculapasta.
- Sirishi e sirishi trentarui
l'haiu iu e l'aviti vui
e si vui nun l'aviti
siti vecchiu e vi ruriti.
? = I renti.
- E' tunnu e nun è munnu,
è a feddha e nun è miluni,
spara e nun è cannuni.
? = U culu.
- Haiu 'na cammareddha
firriata r'ossiceddha:
dintra c'è 'na monacheddha.
? = A ucca.
- Sutt'o lettu ri me nanna,
c'è 'na cosa tunna tunna,
si la vaiu pi tuccari,
tuttu u munnu fa trimari
? = A campana
- Tunnu, ritunnu,
bicchieri senza funnu,
bicchieri nun è,
e allura socch'è?
? = L'aneddhu
- Rutuliu, rutuliu,
caru 'n terra e fumazziu.
? = A merda
- Ahiai moru! nun mi tuccari.
ma si mi spogghiu ti fazzu arricriari.
? = A ficurinnia.
- Camina muru muru
ca coffiteddha 'n culu!
? = U babbalushiu.
- Scinni rirennu
e acchiana chianciennu.
? = U sicchiu
nto puzzu.
- cu' lu fa, lu fa pi vinnilu,
cu' l'accatta nun lu usa,
cu' lu usa nun lu viri.
? = U tabbutu.
- C'è 'na mannara di pecuri curti,
quannu piscianu, piscianu tutti.
? = I shiaramiri
quannu chiovi.
- Nta na casazza
c'è 'na vicchiazza
cun zulu renti
e chiama li genti.
? = A campana.
- Haiu 'na casciteddha china r'ossa,
e dintra cè 'na pezza tutta russa.
? = A ucca, i
renti e a linġua.
- Ci sunnu vinti frati
di diffirenti statura,
Deshi sunnu ammucciati
E deshi a la lustrura.
Nzemmula sunnu nati
A la stessa ura.
? = I jirita
di manu e di peri.
- C’è 'na scatula di rubbini,
Sunnu russi e sunnu fini,
Sunnu tutti dun culuri,
cu' l’abbisa è un gran dutturi.
? = U ranatu
- Supr’on munti ci sunnu tri signurini.
Una vistuta di biancu, una vistuta di russu e una vistuta di
niuru,
A quali di li tri ci muriu u maritu?
? = I signurini
nun hannu maritu.
- Dui lushenti,
dui puncenti,
quattru zocculi
e 'na scupa.
? = A vacca.
- Dintr'on cammarinu c'è un zignurinu,
cu 'na manu o shiancu e vistutu di biancu.
? = U rinali.
- supr'o munti di dandarandà,
c'è 'na fimmina ca beni ci sta.
E' vistuta di caramuscinu,
a cu' ma nzetta ci rugnu un carrinu.
? = A milinciana.
- C’e 'na cosa chi va e veni
E a la porta si tratteni.
C’è piriculu di muriri.
Chi dishiti, lu lassu jiri?
? = U piritu.
- Ronna Viulanti
chi natichi tiranti,
Cappeddhu virdi
e vistina viulanti.
? = A milinciana.
- Haiu vistu tanti shittà
e nun haiu pututu viriri Milanu.
? = Viririmi
l' anu.
- Nesci cantannu e nun z’arricogghi chiù.
? = U piritu.
- Haiu la me nnamurata,
senza chiamata veni sula;
Iu ci haiu rittu “ chi ssi sfacciata!
fammi arripusari macari un’ ura!”
? = L'ummira.
- Mancia do culu e caca da ucca.
? = U chianozzu.
- Cu l'occhi mancia a carni
e ca ucca mancia i pezzi.
? = A forfishia.
- Nun è mpiraturi e porta a curuna,
Nun è cavaleri e porta lu sproni,
Nun è monacu e canta u matinu.
Si l'abbisi sì un meru nnuvinu.
? = U addhu.
- Havi u bustu ri lignu, a panza ri peddhi,
e va cantannu vaneddhi vaneddhi.
? = U tammuru.
- Socch’è chi curri, dha cosa,
chi ghiornu e notti mai s’arriposa?
? = U shiumi.
- 'N terra nasci, 'n terra crisci,
fa lu fruttu ma nun ciurisci.
? = A funcia.
- Nall’acqua nasci, nall’acqua pasci,
u metti nall’acqua pigghia e sparisci.
? = U sali
- cu' è, chi senza busi e senza lana,
pò tessiri pi 'na jurnata sana?
? = A rascatigna.
- cu' è, ch' agghiutti e lanza a tutti i mumenti,
pi ghinchiri li panzi di la genti?
? = U furnu.
- cu' è, chi privu r’occhi e di pinzeri,
camina senza manu e senza peri?
? = U rologgiu.
- cu' fa, senza né arti né curtura,
ritratti tali e quali a la natura?
? = U specchiu.
- Ti la ricu e ti la rissi,
ti la ricu nautra vota,
ca nni la fimmina ti l' attrovu.
E si ancora nun lu sapiti,
sceccu siti.
? = A tila
- Quannu passa iddhu,
t’ha livari u cappeddhu.
? = U pettini.
- Bianca a campagna,
niura a simenza,
l’omu chi simina sempri penza.
? = A scrittura
- Ravanti s’accurza e darreri s’allonġa.
? = A strata.
- Nun è né moddha né dura,
ma trapana li mura.
? = A Ushi.
- 'Un havi ucca e parra,
'un havi peri e camina.
? = A littra.
- Mastr’Aspanu, mastr’Aspanu,
Chi fashiti na stu chianu?
Nun manciati, né biviti,
siccu e longhu vi fashiti.
? = L'asparashiu
sarvaggiu.
- Riugghiu r’acqua e bagnera di lignu,
La carni chi c’è dintra va parrannu.
? = A varca e
i piscatura.
- Ah! Ah! cumpari Filishi
vostra soru chi mi rishi?
Si li cosi vannu 'm paru
chi dishiti . . . cci la calu?
? = A pasta na
pignata chi vugghi.
- La me signura cu li cosci tisi,
stisi comu ru’ pampini di rosi,
u juvineddhu chi cci appizza mprisi,
cci appizzau lu tempu chi cci vosi.
? = U libbru
- Mi scantu a tuccalla,
mi scantu a pigghialla.
Ci tagghiu la testa,
ci tagghiu la cura
e viu dhà rintra
'na beddha signura.
? = A ficurinnia
- È tunnu e nun è munnu,
è russu e nun è focu,
è acqua e nun è funtana,
è virdi e nun è erva.
? = U miluni
r'acqua.
- Virdi nasci.
Niuru crisci,
Russu campa,
Biancu finisci
? = U carvuni
- Haiu n’arancia chi u munnu firria,
a mannu 'n Turchia e torna ni mia.
? = U suli.
- L’abbrazzu, l’accarizzu
e li pizzichi ci fazzu.
Iddha cuntu a mmia mi runa,
e iu ci cantu la canzuna.
? = A chitarra
- Iu vegnu ri Missina
e portu robba fina.
All’omini si cci ammoscia [ammostra]
e fimmini si cci infila.
? = L' aneddhu
- C’è un mecchiu ca varva bianca.
Sempri si movi e mai si stanca.
? = U mari
- C’è un ġran cannistru di rosi e di shiuri,
A notti si rapi e u jornu si chiuri.
? = U shelu
- Virdi 'n campagna
Niuru 'm putia
e russu 'n casa mia
? = U carvuni.
- Si viri ma nun zi tocca.
? = L'ummara.
- 'na bianca matri 'na niura figghia fishi,
tantu fu tinta la figghia chi fishi,
ca si manciau la povira matri.
? = A fava e
a papuzzana
- N capu 'na muntagna
c'è 'na cosa magna magna
cu lu tuppu a la spagnola
pi cu' l'abbisa c'è quattr'ova.
? = U musulucu
[Chiantima com' e sparashi]
- Lonġa lunġetta
la me shiaravetta
la ettu nall'aria
e focu mi etta.
? = A scupetta.
- Jivi nton gnardinu
c'eranu tanti signurini
cu' jia, cu' vinìa,
e cu' arristava a mezza via.
? = I furmiculi.
- Jivi nton jardinu
c'era um porcu spinu
lu jivi pi tuccari
e mi fishi santiari
? = U carduni
- Di shincu frati, unu sulu havi u cappeddhu.
? = U jiritu
cu jiritali.
- Ci sunnu triccentusessantasei latri,
tutti triccentu sunnu carciarati,
tra carciarati e carciarateddhi
lushinu tutti comu l'aneddhi.
? = U ranatu.
- C'è 'na staddha
cu tanti cavaddhi bianchi
e unu russu no mezzu
chi cumminci a tutti.
? = A ucca, i
renti e a linġua
- C'è un gnardinu, tuttu di rosi chinu;
nun zunnu a troffa, ma sunnu a pruvinu; (a pruvinu=sparsi)
tuccari nun zi ponnu cu li manu.
P'abbisarimi stu dubbiu nimminu (nimminu=enigmino)
tempu ti nni rugnu un annu sanu.
? = U shelu chi
stiddhi
- Quali fimmina si fa allunġari i trizzi
e poi si vesti di li so' virdi lazzi,
e fa 'na figghia di tanti biddhizzi
chi l'omini boni li fa divintari pazzi!?
? = A vigna.
- 'M mezzu a dui muntagni feroshi,
c'è 'na baddha chi ghietta vushi!
? = U scorreggiu.
- Russu russeddhu nton cannistreddhu,
ni tiru unu e nni veni un munzeddhu.
? = I shirasi.
- Arvulu curtu
ch’'un zi cci pò acchianari,
prima fa lu fruttu
e poi lu shiuri.
? = A chiantima
‘i carcocciuli.
- Haiu 'na cosa di beddhu culuri,
tutti l'avemu e ci mittemu amuri.
? = U sanġu.
- C’è 'na cosa chi pi lu munnu va
dui a cunnushinu e sunnu tri
a cu' m'abbisa stu dubbiu ccà,
lu re ci riala durishi tarì.
? = U carruzzinu,
u sceccu e u patruni.
- Haiu 'na cosa a quattru peri,
iu la tiru e si nni veni
si nni veni pi lu biddhicu.
Abbisati soccu vi ricu.
? = U casciuni
ru taulu
- ‘N anca ccà e ‘n anca dhà.
Mi suca la miruddha e si nni va.
? = U libbru
- E’ dura, ma nun sempri è dura;
appena ammoddha ci cala a dushiura.
? = A ficu
- Tisa cci a cali
muscia cci a nesci.
oppuru
trasi moddha
e nesci dura.
? = A pasta
- E ghiemuninni a la casa ch’è notti
e ghiemu a fari li soliti fatti
quannu si juncinu upilu cu pilu
e dha cosa chiù nnintra ta nfilu.
? = L’occhi si
chiurinu nfunnu pi dormiri.
- Vinni un monacu di Partanna
vinni a futtiri a to nanna,
la futtiu e la strafuttiu,
a lassau 'n tririci e si nni jiu.
? = U Sagnaturi
(Matterello)
- Vaiu na me signura
cci staiu quant’un’ura
nesciu dha cosa liscia
e cci a nfilu r’unni piscia.
? = A canneddha ra utti
- Ci allargu li cosci,
ci strinciu li minni;
ah, soccu mi vinni!
? = U latti da
pecura.
- La me signura cu li cosci tisi,
stisi comu ru’ pampini di rosi,
u juvineddhu chi cci appizza mprisi
, cci appizza lu tempu chi cci vosi.
? = U libbru
- Quannu semu fimmini attisateddhi,
di tutti li picciotti semu arrifiutati,
Ma quannu l'occhi nostri su' picchiusi,
lu culu apertu e li testi calati,
Di tutti semu allura addisiati.
? = I ficu zubbi
e i ficu fatti.
- Unu supra e unu sutta li vitti stari.
Comu li vitti mi misi a pinzari.
Chiddhu ri supra fashia un naschiari,
rav'un corpu ravanti e unu rarreri.
? = I sirratura
- Un gnornu vitti abballari un giovinottu
chi cum piruzzu l'abballu fashia,
'n testa purtava un beddhu cappiddhottu
e poi di sutta 'na cosa ci niscia.
Si tu m'abbisi stu dubbiottu,
un omu megghiu ri tia nun ci saria!
? = U fusu
- A me signura acchianata ‘m palazzu
Cu tanti pampineddhi chi cugghia.
Nun lu viria chi l’avia pilusazzu,
ca putia fari un gnippuni a mmia.
? = A lana ra
crapa.
- Pinniculì pinniculà pinnia
sutta li cosci di la mamma Dia,
quannu la mamma Dia aisa la coscia,
pinniculì pinniculà si nġrossa!
? = U fusu
- ‘N anca ccà, ‘n anca dhà.
Mi suca la miruddha e si nni va.
? = U libbru
- T'acchiappu pi lu pettu,
ti strinciu pi li minni:
tiritràcchiti chi si nni vinni.
? = Viviri no
shiascu.
- “Gnuri Minicu, mittitivi ‘n zusu”.
“Gnura minica, picchì?”.
“vi ficcati nto pirtusu
e fashiti nzi-chi-tin-zì”
? = A chiavi
e a tuppa
- Supra pilu, sutta pilu,
Jisa a amma ca ta nfilu.
? = A cuasetta
- Jivi o limmu i Santu Patri,
Jivi a futtiri a to matri,
A futtivi e strafuttivi,
A lassai n terra e mi nni Jivi.
? = L'erva tinta
sraricata, battuta pi l'varicci a terra, e lassata a siccari.
- Virdi ‘n campagna
niuru nta cascia
e a me signura
ci fa abbiriri a coscia.
? = U carvuni
no cufuni.
- U viri soccu fashisti
ca rarreri ma mittisti:
pi l'amuri ri Diu e di Santi
levamilla 'i rarreri e mettimilla ravanti.
? = A seggia
- A batissa di pignipignazzi,
havi a tonaca pizzi pizzi,
cu li spinġuli appuntati,
pi sarvari a virginitati.
? = A carcocciula.
- Haiu 'na cosa lonġa um parmu,
cu a testa russa chi va sculannu.
? = A cannila.
- Sugnu friddu pi natura,
ma a la fimmina fazzu beni,
Si m’acchiana la calura,
fazzu chiddhu chi cummeni.
? = U ferru 'i
stirari.
- Talia dhà, talia dhà,
chi ci penni o to papà?
? = U rologgiu
'i taschinu.
- U re l’havi rossu,
u papa l’havi chiù grossu,
ma la riggina chiancia
picchì chiù grossu lu vulia.
? = L'aneddhu.
- Iu vegnu ri Missina
e portu robba fina.
All’omini si cci ammoscia (ammostra)
e fimmini si cci infila.
? = L’aneddhu.
- Um picciutteddhu ri cuattordishi anni,
la trasi e la nesci comu unu ranni,
a trasi asciutta e la nesci vagnata
cu la puntiddha nzanġuinata.
? = A pinna e
u nchiostru.
- E lu pisci, lu beddhu pisci
mettilu ‘n manu, chi subbitu crisci.
Chista è cosa ri tentazioni
chiù si tocca e chiù si movi.
? = U pisci r’ovu
- Alliccu, alliccu, 'n culu ta ficcu.
Tantu haiu r’ alliccari,
ca nto culu ti l’ha a nfilari.
? = L'augghia
e u filu.
- C’è 'na cosa lonġa e tisa,
ch’a tutti i morti veni misa.
? = A cannila.
- Trasi rura e nesci moddha.
? = A pasta.
- Vinni un monacu di na banna,
vinni a futtiri a me nanna,
a futtiu, a strafuttiu,
a jittau 'n terra e si nni jiu.
? = U ventu
- St' abbisu è 'na cosa 'i pazzi,
Si 'n culu ta mettu, tu mi rishi "grazi".
? = A seggia.
- Misa o suli s’arrimoddha,
e nall’acqua si fa tisa.
? = A corda.
- A me signura acchianata ‘m palazzu
Nun lu viria chi l’avia pilusazzu,
ca putia fari un gnippuni a mmia.
? = A lana ra
crapa.
- C'é 'na cosa quant'om parmu
chè gauta di schina,
Quannu è ura di dha cosa
pilu pilu s'arrimina.
? = U rasolu.
- Donna Cristina ch’è fatta cristiana,
da so santitati a tutti runa.
Havi um pirtusu sutta a suttana,
e a cu' porta dinari ci nni runa.
? = A utti.
- Sutta a fodera da cammisa,
c’è 'na cosa tisa tisa,
e ssi si voli tuccari,
Jetta ushi di spirtari.
? = A campana.
- Iu nascivi nta 'na furesta.
Haiu ammi e nun haiu testa.
O su’ beddhi o sunnu brutti,
vaiu tuccannu u culu a tutti.
? = A seggia.
- A tutti i posti signura mi purtati,
ma no lettu cu vui nun mi vuliti.
? = A scarpa.
- Signura, vi la mettu, vi la mettu,
cu pattu ca nun v’aviti a lamintari;
ca dopu l’ura ch’ha fattu l’effettu
la pigghiu, la strinciu e la fazzu sculari.
? = A sanġuetta
- 'N capu pilu, sutta pilu,
'n mezzu c'è lu mariolu.
? = L'occhiu.
- Tutti i fimmini ci l’hannu,
cu' l’havi ruttu e cu' l’havi sanu.
? = U jiritali
- Cu lu tantu fricuniari,
a signura cunzuma u cavaleri.
? = A rattalora.
- Vucca cu vucca,
panza cu panza;
iu m'arricriu
e a iddha ci uncia a panza.
? = A shiarameddha
- Panza cu panza
A lu monacu s’avanza.
Um pizzuddhu ‘i carni crura
Fa addivertiri a signura.
? = A chitarra.
- Gnuri Llau! chi fashiti?
chi darrera ma mittiti?
Pi l'amuri ri tutti i santi,
no darrera, ma ravanti.
? = U fanali
- Aìsati aìsati a cammiseddha,
ca ti fazzu 'na nica cosa;
Nun ti scantari ca ti trasi tisa
Dumani agghiorni comu 'na rosa.
? = A gnizioni.
- Tu ri supra e iu ri sutta,
di nui rui cu ammutta ammutta.
Quannu si rapi la shiaccazza
di nui rui cu fazza fazza.
? = A serra
- Ta nfilu nto culu,
ta trasu nta ucca,
t’azziccu nt’asciddhi,
ta mettu nne manu.
E quannu cuariu ma viu aisari.
Quannu arrifriddu ma viu calari.
? = U termometru
e a frevi.
- Haiu un figghiu chi si chiama Cola
abbita ntra li causi ri tila
unni viri fimmini ncannola
unni firi pirtusa si cci nfila.
? = A navetta
ru tilaru.
- C’è um picciutteddhu 'i quattordishi anni,
Ch’a trasi e nesci comu unu ranni
a trasi asciutta, a nesci vagnata
cu a puntiddha arrussicata.
? = A sicaretta.
- Tu ri dhocu e iu ri ccà,
e fashemu 'cu fa fa':
asheddhu asheddhu na spaccazza
ca cci cari la simintazza.
? = A serra
- Caminannu, caminannu
ma vaiu tuccannu.
? = A sacchetta.
- “Gnuri Minicu, mittitivi ‘n zusu”.
“Gnura minica, picchì?”.
“vi ficcati nto pirtusu
e fashiti nzi-chi-tin-zì”
? = A chiavi
na tuppa.
- Lu culu nta petra
La facci nto culu
E i manu nte minni.
? = U craparu
chi munci.
- Li mei bianchi cosci,
li toi bianchi e lisci,
Si juncinu cosci cu cosci,
e comu finisci finisci.
? = I linzola
- Trasi moddhu e nesci ruru.
? = U pani no
furnu.
- O scuru o scuru,
ci la nfilu nto culu.
? = A chiavi.
- Nfilannu nfilannu,
firriannu firriannu,
fa dha cosa e poi s'arriposa.
? = A chiavi.
- Mentri u zu Masi si runġulia,
Nmezzu a li ammi ci pinnulia.
? = A curuna
du rosariu.
- E ghiemuninni a la casa ch’è notti
e ghiemu a fari li soliti fatti
quannu si juncinu pilu c’ u pilu
dha cosa chiù nnintra ti nfilu.
? = L’occhi si
chiurinu nfunnu pi dormiri.
- O scuru o scuru,
Mu stricu nto muru.
? = U shirinu.
- A vecchia si cala e u parrinu ci la nfila.
? = L'ostia.
- Scinnivi nton gnardinu,
Ci attruvai un zignurinu
Ci sbuttunai u nappuni
E mi nisciu um pistuluni.
? = U Ranuni
(Granuturcu).
- Berlusconi l'avi lonġu,
Fini l'avi curtu,
u papa l'avi ma nun lu usa,
u zitu lu prumetti,
to maritu ti lu metti.
? = U cugnomi.
- Trasi tiranti tiranti,
poi nesci moddha moddha e gucciulanti.
? = A pasta.
- E' 'na cosa lonġa e tisa
cu nu baddhu chi ci pisa.
? = A statia.
- Vinni u re di Sirausa,
la purtau lonġa e pilusa,
a riggina ci piashia
ma chiù lonġa e pilusa la vulia.
? = A scupa pu
tettu.
- Quannu iu vegnu ni tia
tu l'ha metti 'n culu a mmia,
quannu tu veni ni mia
iu la mettu 'n culu a ttia.
? = A seggia.
- Jivi a Milanu,
purtai um parmu di robba 'm manu.
Ci la purtai a la me murusa
e cci l'appizzai nta la pilusa.
? = U fermacapiddhi.
- Dui la tennu e iu mi la godu,
ma a iddha assai ci abbrushia.
? = A sicaretta
addumata.
- Du' omini lu ponnu fari,
Un omu e 'na fimmina lu ponnu fari
Dui fimmini nun lu ponnu fari.
? = A cunfissioni.
- Vaiu na me signura
cci staiu quant’un’ura
nesciu dha cosa liscia
e cci a nfilu r’unni piscia.
? = A canneddha
ra utti.
Cui sapi Minni Minnagghi o Abbisi
mi li mannassi.
Ringraziu e tanti chi mi mannaru l'abbisi.
|
|
|
