Cuannu proserpina fu pigghiata vishinu o lagu di Pergusa, nzemmula a iddha c’era puru a ninfa Ciani. Mentri accugghianu shiuri e s’addivirtianu nmezzu a dha natura nfuta, sbucau Plutoni dall’Adi, agguantau Proserpina e si la carricau supr’o carru.

Stu attu di bramusia scuncirtau l’amica ninfa Ciani chi, pi cuntrastari u rhapimentu, s’aggrappau o carru shircannu d’arrivari all’amica e tiralla n terra.
A rheazioni di Plutoni fu spietata. Pi la rhaggia, cu so scettru detti un corpu a Ciane e la spartiu n dui trasfurmannula nta na doppia surgiva.

U juvini Anapu nnamuratu di Ciani, chi era ne vishinanzi a talialla, vistu ca propria amata addivintau surgiva r’accua, pu duluri dishidiu r’accumpagnalla e di farisi addivintari puru iddhu shumi.

Avi ri tannu chi l’accui ri dui shumi si accumpagnanu pagghir’a mari e si juncinu prima d’arrivari o portu di Sirausa, propriu unni c’è la fonti Aretusa.